تعليق مشجع اهلاوى على الرئيس مرسى و مذبحة بورسعيد

يا ريت يا أخ مرسى تحاسب جماعتك و بالأخص الشاعر و درة لسخريتهم من شهدائنا
مبروك لحماس ..مبروك لأمريكا...مبروك لميدان التحرير... مبروك للانفلات الأمنى !!!
مش عارف ليه حاسس ان مرسى لم ينجح عارفيين ليه ؟
- عشان نزلت الشغل النهاردة و لم أجد الملائكة تحفنى فى كل مكان امشى به كما قالوا لنا أن مرسى حبيب الله و انتخبوه يحبكم الله !!!!!!!
- عشان لسه البائعيين يحتلون كل مكان فى مصر المحروسة و لا نجد مكان نمشى عليه !!
- عشان الثورة لسه مستمرة مش عارف يمكن البث الحى لها ببلاش !!!!
- عشان لسه بنطرقع من أمريكا و نطاطى و نسمع كلام ماما أمريكا و لنا فى أبو الأمريكيين عبرة !!!
- عشان الشرعية لسه للميدان حتى الرئيس اللى انتخبه البسطاء اللى بيضحك عليهم أعطى قوة أكثر لشرعية الميدان بدعوته للقوى الثورية و حزبه للمكوث فى الميدان !!!
- عشان لسه فيه صفقات و تربيطات و اتفاقات من وراء الشعب و اسألوا الجميع
كيف تطبخ مصر و الدليل أن منذ يوم كان القضاء فاسد و الجيش متواطىء و اليوم هم أخوة و القضاء شامخ و ارجعوا الى خطاب الرئيس المفروض علينا بالامس!!!!!!!!!!
- عشان التليفزيون وطنى منذ أن تم افتتاحه فى الستينات و الرئيس هو مقدم كل برامجه و شيخ المذيعيين و المحاوريين فيه و لنا فى امس و اليوم عبرة فقد أعيد خطاب الرئيس مرارا و تكرارا على كل قنواته و هذه هى البدايه و ارجو ان يتم الافراج عن صفوت الشريف ليعود الزمن الجميل مرة اخرى !!!!
- عشان الاخوان لسه بيرجعوا فى كلامهم و انتظروا ما ستفصح عنه الايام القادمة
...
... لذلك يجب علينا نحن الاغلبية أن نسارع فى انشاء حزب موازى لحزب الاخوان
حزب يكون مسماه " الحزب الجمهورى " و يضم كل أطياف الشعب و كل معارضى
الاخوان مثل " الفريق أحمد شفيق- رجائى عطية - مصطفى بكرى- لميس جابر- محمد أبو حامد -توفيق عكاشة - ضياء رشوان - عبد الر حيم على - اللواء عمر سليمان - المستشار أحمد الزند - عمرو أديب - عمرو حمزاوى - عادل حمودة
شادى طلعت - نجيب ساويرس- أحمد سرحان - و علماء الازهر - و السلفيين المستقلين
و لنقف أمامهم و لتكن أول معركة لنا معهم هى مجلس الشعب و لنكن نحن الشوكة التى تكون دوما فى حلقهم و بعد أربع سنوات يكون مرشحنا هو رئيس الجمهورية
هذا لو استمر مرسى لأربع سنوات و لنا فى ثورة 1952 عبرة عندما كان نجيب أول رئيس لمصر و لم يدم سوى لعام واحد فقط و هذا ما أتوقعه لمرسى !!!!

 

مراعاة للصمت الانتخابى انتخبوا الرئيس الطحش

مراعاة للصمت الانتخابى و طالما ان الموضوع بقى بالاشارات فانا قررت انى اعملكم فوازير و ادعوكم لانتخاب الرئيس الجديد و لكن وجدت ان الدعاية مستمرة لاحد المرشحين و لا اعرف لماذا وجدت كلمة الطحش تظهر امامى بوضوح انام اصحو لا اجد الا كلمة الطحش الطحش فجلست الى الانترنت ابحث عن معنى كلمة الطحش و وجدت بعض المعانى
مثلا
هو الشخص الغبي الذى يتعامل بعباطة ممتزجة بالتخلف العقلي او كما يقولون " جاى من ورا الجاموسة " اى لا يعرف فن التعامل مع الآخرين

و وجدت معنى آخر

الطحش هى كلمة تطلق على الشخص الذى يتعامل مع الاخرين بكل فظاظة اى مثل الحيوان في حديثه ونطقه وتوجيه الألفاظ
فيقال فلان طحش
اى فلان له تصرفات أقرب للحيوانات
و الطحش هو حيوان مثل الثور في خيال المصريين  و لا اعرف اذا كان موجود ام مجرد خيال فقط

و وجدت ان من مواصفات الطحش من خلال الحملة الانتخابية الاخيرة ما يلى

1-  يتبجح و يقول انه الافضل مع انه ليس هناك اى دليل على ذلك
2-  يقول ان الكثيرين خلفه و معه و يشورون عليه مع انهم كلهم يطيعون رأى شخص آخر و لا يملكون حق الاعتراض عليه
3- يرفض ان يدخل فى مناظرة امام اى حد حتى لا يظهر عواره و ضعفه
4- دمه تقيل و نكته سخيفة و ضحكته هبلة
5- طريقة اشارات يديه و حجم قبضة يده الضخم يدفعك لو عندك شوية عقل ان تنصرف عنه
6- صوته جهورى غير عاطفى
7- كذاب و يدعى انه كان مرشح لشهادات و مناصب دولية مع انه مجرد مبعوث جامعى زى اى واحد تانى انتهت فترة دراسته فرجع ليقرفنا هنا
8- اولاده و اقاربه بالكامل عندهم جنسية مش مصرية و يقولك انا وطنى و ما عندهوش دم كفاية علشان ينسحب من الانتخابات9- ليس عنده ضمير و يشترى الاصوات فى جدة  و الرياض بخمسين ريال
10- ليس عنده ضميرو يدفع السيدات اللاتى يمثلن حزبه ان يذهبن الى السيدات الفقيرات فى المنازل و يقرأن الفاتحة معهن من اجل التصويت له
11- يوزع السكر و الزيت و الدقيق على الفقراء و يستغل حاجاتهم و لا يعتبرها رشوة
12- مصادر تمويله غير واضحة
13- يتمسح فى الاسلام و ينسب نفسه اليه مع انه ليس معه توكيل من الله تعالى او الرسول صلى الله عليه و سلم
14- مش منظر مش منظر و لا ينفع يكون ممثل دولة بحجم مصر فى اى  محفل دولى
15- بيحب التكويش هو و حزبه يعنى طماع
16- صوره تملا الشوارع اصل احنا ناقصين مسحة تجميلية جميلة فى المدن
17- لا يتورع عن استخدام الاطفال فى حملاته الانتخابية
18- ان يمضى كل عمره فى خدمة جماعة معينة ثم ينشق عنها و يعلن ترشحه للرئاسة مع انه كان فرخة ايام المخلوع
19- بجح و متبجح و هذا البند كافى لضم كل المرشحين الفلول فى قائمة المرشح الطحش
20- ان يهاجم افعال جماعته و يخلى ناس تطلع تفضحها مع انه كان مسئول فى هذا الحزب و الجماعة فى الفترة التى ارتكبت فيها الاخطاء

لذا هلموا هلموا لانتخاب المرشح الطحش فكلهم يحملون صفة او اخرى من صفات المرشح الطحش الا من رحم ربى و كان مناضل و عاش فقير و ماعندهوش فيلا فى التجمع او 6 اكتوبر
و لا حول و لا قوة الا بالله