تعليق مشجع اهلاوى على الرئيس مرسى و مذبحة بورسعيد

يا ريت يا أخ مرسى تحاسب جماعتك و بالأخص الشاعر و درة لسخريتهم من شهدائنا
مبروك لحماس ..مبروك لأمريكا...مبروك لميدان التحرير... مبروك للانفلات الأمنى !!!
مش عارف ليه حاسس ان مرسى لم ينجح عارفيين ليه ؟
- عشان نزلت الشغل النهاردة و لم أجد الملائكة تحفنى فى كل مكان امشى به كما قالوا لنا أن مرسى حبيب الله و انتخبوه يحبكم الله !!!!!!!
- عشان لسه البائعيين يحتلون كل مكان فى مصر المحروسة و لا نجد مكان نمشى عليه !!
- عشان الثورة لسه مستمرة مش عارف يمكن البث الحى لها ببلاش !!!!
- عشان لسه بنطرقع من أمريكا و نطاطى و نسمع كلام ماما أمريكا و لنا فى أبو الأمريكيين عبرة !!!
- عشان الشرعية لسه للميدان حتى الرئيس اللى انتخبه البسطاء اللى بيضحك عليهم أعطى قوة أكثر لشرعية الميدان بدعوته للقوى الثورية و حزبه للمكوث فى الميدان !!!
- عشان لسه فيه صفقات و تربيطات و اتفاقات من وراء الشعب و اسألوا الجميع
كيف تطبخ مصر و الدليل أن منذ يوم كان القضاء فاسد و الجيش متواطىء و اليوم هم أخوة و القضاء شامخ و ارجعوا الى خطاب الرئيس المفروض علينا بالامس!!!!!!!!!!
- عشان التليفزيون وطنى منذ أن تم افتتاحه فى الستينات و الرئيس هو مقدم كل برامجه و شيخ المذيعيين و المحاوريين فيه و لنا فى امس و اليوم عبرة فقد أعيد خطاب الرئيس مرارا و تكرارا على كل قنواته و هذه هى البدايه و ارجو ان يتم الافراج عن صفوت الشريف ليعود الزمن الجميل مرة اخرى !!!!
- عشان الاخوان لسه بيرجعوا فى كلامهم و انتظروا ما ستفصح عنه الايام القادمة
...
... لذلك يجب علينا نحن الاغلبية أن نسارع فى انشاء حزب موازى لحزب الاخوان
حزب يكون مسماه " الحزب الجمهورى " و يضم كل أطياف الشعب و كل معارضى
الاخوان مثل " الفريق أحمد شفيق- رجائى عطية - مصطفى بكرى- لميس جابر- محمد أبو حامد -توفيق عكاشة - ضياء رشوان - عبد الر حيم على - اللواء عمر سليمان - المستشار أحمد الزند - عمرو أديب - عمرو حمزاوى - عادل حمودة
شادى طلعت - نجيب ساويرس- أحمد سرحان - و علماء الازهر - و السلفيين المستقلين
و لنقف أمامهم و لتكن أول معركة لنا معهم هى مجلس الشعب و لنكن نحن الشوكة التى تكون دوما فى حلقهم و بعد أربع سنوات يكون مرشحنا هو رئيس الجمهورية
هذا لو استمر مرسى لأربع سنوات و لنا فى ثورة 1952 عبرة عندما كان نجيب أول رئيس لمصر و لم يدم سوى لعام واحد فقط و هذا ما أتوقعه لمرسى !!!!

 

الاصوات و الاقبال فى انتخابات الاعادة الرئاسة المصرية

هل لاحظتم ان الأصوات فى انتخابات الاعادة الرئاسة المصرية ما بين مرسى و شفيق اكثر من خمسة و عشرون مليون واكثر من مليون صوت باطل مع ان الناس حاسة ان الاقبال اقل مجرد سؤال ولكن يبدو ان هناك من قام بالواجب بدل من لم يذهبوا
و اثبات ان الانتخابات مزورة كالآتى
الحضور حوالى ستة و عشرين مليون
عدد اللجان 13 الف لجنة
كده كل لجنة متوسط التصويت فيها 2000 صوت
بافتراض ان الناخب يستغرق دقيقة فى التصويت يبقى الطاقة القصوى للتصويت فى الساعة 60
صح و لا غلط و مدة التصويت 12 ساعة يبقى علشان عملية التصويت تبقى سلسة اللجنة لن تستوعب اكثر من 720 صوت فى اليوم
و لو حسبنا كبار السن و الاخوة الأميين الطاقة القصوى و فى ظل عمل دؤوب لن تزيد عن 720 صوت و هم لم يغلقوا اللجان للصلاة او الغذاء فين ال600 صوت الزيادة فى اليمين مين اللى حطهم و متى
طيب اقولكم على مفاجأة كمان اكثر من نصف اللجان التصويت فيها اقل من 500 صوت فى اليومين و فى لجان فيها 40 و خمسين صوت
حد يقولى فين الطوابير فين الطوابير فين الطوابير يمكن انا ما شفتش